كلمات أغنية إمي نامت ع بكير:
كلمات وألحان: الأخوين رحباني.
إمـــّـــي نامت ع بكير وسكّر بيي البوابــة.
وأنا هربت من الشبّاك وجيت لعيد العزابة.
شباكـــي بعدو مفتوح والبردايـــة عم بتلوح.
عرفوا بغيابي أهلي يا دلّي وين بدّي روح.
وين بدّي روح يا دلّي عرفوا أهلي بغيابي.
يا ورد العايق بالطول وبتضل بحالك مشغول.
شوكك بتيابي علـّـــق هلّق لإمّي شـــو بقول.
شو بقول لإمّي هلّــق علــــّـق شوكك بتيابي.
شباب: شو بروحوا البنيّات يعملوا بعيد العزابي.
صبايا: بروحوا يلمّوا حكايات ويشوفو حظُّنٌ بالغابه.
المجموعة: بعيد العزابي بيجتمعوا العشاق وبتقلن الغابه كل تنين رفاق.
والحبايب يتلاقوا بالحبايب. والعزابي ما بعودوا عزابي.
المجموعة: يا قفاص المحبّة رح بتصير بيوت.
تشعشع المحبة ع بوابك وتفوت.
يا شباب الي جايين تَتلاقوا الصبايا إصحى. تكونوا كزابين وفي شي بالخبايا.
جايين نواطير التلج إلي بيقروا الخفايا.
جايين نواطير التلج تيضووا النوايا.
والي مزغزغ النية وعم يضحك ع صبية.
بياخدوه نواطير التلج ع جبل ببرية.
وبيحبسوه بعلية ما فيها غير عتمة وتلج.
شباب: ناطرين النواطير حتى يفوتوا ع القلوب.
يشوفوها كيف عم بتدوب بحب الصبايا وتطير.
المجموعة: ع القلوب المتل التلج تعوا يا نواطير التلج .
صبايا: يا نواطير التلج يا نواطير البرد.
والشتي والهوى يا ترى ع التلج شو قصص.
الحب والحكي والهوا.
ريما: يا نواطير التلج يا نواطير البرد والشتي.
والهوى يا ترى ع التلج شو قصص.
الحب والحكي والهوا.
المجموعة: سأليهُن يا ريما حاكيهُن يا ريما.
تنعرف سوى يا ترى ع التلج شو قصص.
الحب والحكي والهوا.
ريما: بيقولوا النواطير سمعوا.
هالخبرية البتضلا هيي هيي.
المجموعة: شو قالوا النواطير.
ريما: بتقول الخبرية هو وهي من أول العمر.
لآخر العمر بتتخبى بيلحقها بتزعل.
بيراضيها بتوقف بيسبقها بيرجع يلاقيها.
من أول العمر لآخر العمر.
هو وهيي وخلصت الخبرية.
المجموعة: هو وهيي وخلصت الخبرية.
ريما: هو وهيي وخلصت الخبرية.
المجموعة: هو وهيي وخلصت الخبرية.
ريما: بكرا حلوة كتير الخطبة بس الجازة.
بتبقى صعبة ولو بتشوفوا بعد الجازة.
أيام التعب والغربة.
المجموعة: عارفين ورح نتجوز.
ريما: بس الجازه ولاد وهم.
المجموعة: عارفين ورح نتجوز.
ريما: فيها شغل وزق أغراض.
المجموعة: عارفين ورح نتجوز.
عارفين بدنا نتعب عارفين رح نتعزب لكن بدنا نتجوز.
حتى نصير نزق أغراض ونتقاتل مع النسوان.
ونلم علينا الجيران ونولع سيجارة.
بظهر السيجارة ونقعد على الباب نقول.
يا ريت ما تجوزنا يا ريت ما تجوزنا.
يا ريت ما تجوزنا يا ريت ما تجوزنا.
