قصة أغنية حاول تفتكرني:
شاعت أغنية “حاول تفتكرني” بعد انتشار شائعة زواج حليم بسعاد حسني، والتي أكدها العديد من الإعلاميين المصريين ومنهم مفيد فوزى وشقيقة السندريلا والتي تدعى “جنجاه”، حيث أكدا أن حليم والسندريلا تزوجا عرفيًا لمدة قاربت الست أعوام، ولكن سعاد حسنى قررت الانفصال بسبب رفض عبدالحليم عملها ورغبته في اعتزالها، وهو الأمر الذي رفضته السندريلا، وهنا قام حليم بإهدائها تلك الأغنية الجميلة ولكن بعد ما تم الانفصال، حيث كانت من أكثر الأغاني شيوعًا وانتشارًا في ذلك الوقت وحتى في زمننا الحاضر، “حاول تفتكرنى”، تلك الأغنية التي قام حليم بالطلب من الشاعر محمد حمزة كتابة كلماتها لتعبر عن ما يجول في قلبة من مشاعر الحب تجاه السندريلا، حيث قام بإسناد هذه الكلمات إلى المبدع الذي طالما ما تعاون معه في تلحين الكثير من الأغاني الموسيقار بليغ حمدي.
كلمات أغنية حاول تفتكرني:
كلمات: محمد حمزة
ألحان: بليغ حمدي
أنا اللي طول عمري بصدق كلام الصبر في المواويل.
وأنا اللي طول عمري بقول الحب عمره طويل.
من كتر ما كان الحب وأخدنا.
وكل حلاوة الدنيا في ايدنا.
لا فكرنا زمان يعاندنا.
ولا أيام تقدر تبعدنا.
وعشنا الحب بالأيام.
وكل بكره فيه أحلام.
وأتاري كل ده أوهام.
وسافر من غير وداع.
فات في قلبي جراحه.
دبت في ليل السهر.
والعيون ما ارتاحوا.
و منين نجيب الصبر يا أهل الله يداوينا.
اللي انكوى بالحب قبلينا يقول لينا.
وسافر من غير وداع.
حبيبي…
والله لسه حبيبي…
والله وحبيبي مهما تنسى حبيبي…
والله وحبيبي عمري ما انسى حبيبي…
ابقى افتكرني… حاول تفتكرني…
ولو مريت في طريق مشينا مره فيه.
أو عديت في مكان كان لينا ذكرى فيه.
ابقى افتكرني… حاول تفتكرني…
دي ليالي عشناها.
أبداً مش حنساها.
على بالى يا حبيبي.
على بالي أيام وليالي.
على بالي ليل ونهار.
وأنت على بالي….
ومنين نجيب الصبر يا أهل الله يداوينا.
اللي انكوى بالحب قبلينا يقول لينا.
وسافر من غير وداع…
بعدنا بعدنا ليه؟ تعبنا!
قول من ايه قول قول.
من الشك يا عنيا.
من كلمه قالوها عليا.
من الغيرة يا عنيا.
دي الغيرة ياما عملت فيا.
حبيبي… مهما شوقي يطول يا حبيبي…
حافضل أقول يا حبيبي…
ابقى افتكرني… حاول تفتكرني…
ولو مريت في طريق مشينا مره فيه.
أو عديت في مكان كان لينا ذكرى فيه.
ابقى افتكرني… حاول تفتكرني…
دي ليالي عشناها.
ابداً مش حنساها.
على بالي يا حبيبي.
على بالي أيام و ليالي.
على بالي ليل و نهار.
وأنت على بالي….
ومنين نجيب الصبر يا أهل الله يداوينا.
اللي انكوى بالحب قبلينا يقول لينا.
وسافر من غير وداع…
من الليالي من بعدك واللي جرالي.
سهرني الشوق دوقني الشوق طعم الحرمان في الليالي.
ياما أيام ضاعت يا سلام.
في عذاب والام سهران ما بنام.
قضيت الليل مع قمر الليل ونجوم الليل نحكى في كلام.
ياما قلت عنك وغلبت شكوى منك.
وحياه الغالي عندك…
ابقى افتكرني… حاول تفتكرني…
ولو مريت في طريق مشينا مرة فيه.
أو عديت في مكان كان لينا ذكرى فيه.
ابقى افتكرني… حاول تفتكرني…
دي ليالي عشناها.
ابداً مش حنساها.
على بالي يا حبيبي.
على بالي أيام وليالي.
على بالي ليل ونهار.
وانت على بالي….
ومنين نجيب الصبر يا أهل الله يداوينا.
اللي انكوى بالحب قبلينا يقول لينا.
وسافر من غير وداع…
تعالا… تعالا… تعالا… تعالا… تعالا… خلي الشمس مع ابتسامتنا تطلع و تنور دنيتنا.
